Другі год запар Беларуская тэнісная федэрацыя праводзіць урачыстую цырымонію ўручэння прэміі «Тэніс. Вынікі».

 

У гэтым годзе гэта падзея супала са знамянальнай датай - 40-годдзем Палаца тэніса. Святочнае мерапрыемства аб'яднала спартсменаў, трэнерска-выкладчыцкі склад, шматлікіх партнёраў і гасцей.

 

Словы падзякі ад Беларускай тэніснай федэрацыі прагучалі ў адрас арганізацый, без непасрэднага ўдзелу якіх развіццё і папулярызацыя тэніса ў Рэспубліцы Беларусь была б немагчымая. У іх ліку - РУП «Белтэлекам». Наша кампанія адзначана падзякай Беларускай тэніснай федэрацыі за плённую працу, накіраваную на прапаганду ідэалаў і прынцыпаў алімпізму, папулярызацыю тэніса і здаровага ладу жыцця, а таксама падтрымку развіцця тэніса ў Рэспубліцы Беларусь.