Арганізаваць камфортную працу ў офісе і павысіць эфектыўнасць бізнесу - актуальныя задачы для кожнага кіраўніка. Сучасныя тэлекамунікацыйныя паслугі кампаніі «Белтэлекам» дапамогуць вырашыць пастаўленыя задачы.

У пачатку чэрвеня спецыялісты Віцебскага філіяла пазнаёмілі прадстаўнікоў дзелавых колаў рэгіёну з запатрабаванымі ў карпаратыўным сегменце паслугамі. Бізнес-прэзентацыі адбыліся ў Глыбоцкім занальным вузле электрасувязі, Шаркаўшчынскім і Талачынскім участках электрасувязі.

Сёння кампанія прапануе цэлы комплекс тэлекамунікацыйных рашэнняў для паспяховага бізнесу. Зручным каналам камунікацыі з мэтавай аўдыторыяй з'яўляецца паслуга «SMS-рассылка». З яе дапамогай можна інфармаваць усіх зацікаўленых аб зніжках, акцыях, прадастаўляць іншую карысную інфармацыю. Папулярная паслуга «Прадастаўленне ў карыстанне сеткі Wi-Fi», якая дазваляе арганізаваць бесправадны доступ у Інтэрнэт для супрацоўнікаў і кліентаў пэўнай фірмы.

Вялікую цікавасць выклікала дэманстрацыя магчымасцяў паслугі «Разумны дом». Гэта комплекснае рашэнне, якое дапамагае павысіць камфорт і бяспеку ў офісе. Базавы камплект уключае абаненцкую прыладу (кантролер) і тры датчыка: задымленасці, руху і адкрыцця дзвярэй / вокнаў.

Паслуга «Відэакантроль» дазволіць абаненту атрымаць аддалены кругласутачны доступ да відэаінфармацыі з розных аб'ектаў карпаратыўнай нерухомасці.

Удзельнікі сустрэч маглі пратэставаць паслугі, задаць пытанні спецыялістам і, вядома, абмеркаваць далейшае супрацоўніцтва.