Супрацоўніцтва кампаніі «Белтэлекам» і кандытарскай фабрыкі «Чырвоны харчавік» працягваецца ўжо шмат гадоў.

Больш за 80 фірменных магазінаў ва ўсіх абласцях краіны карыстаюцца сучаснымі паслугамі сувязі. У ліку самых запатрабаваных - тэлефанія, высакахуткасны доступ у інтэрнэт, відэаканферэнцсувязь. А нядаўна на фабрыцы зрабілі выбар на карысць паслугі «Відэакантроль» ад «Белтэлекама».

– У кожнай вобласці маюцца аддзелы прамых продажаў і выдаленыя склады. Прымяненне «Відэакантролю» дазваляе кантраляваць якасць абслугоўвання, працу персаналу, сачыць за захаванасцю маёмасці, – распавёў галоўны інжынер ААТ «Чырвоны харчавік» Дзмітрый Блажэвіч. – Акрамя таго, дзякуючы відэакантролю кожны наведвальнік нашай фірмовай крамы можа быць спакойны за захаванасць сваіх рэчаў.

Для фабрыкі актуальна нарошчванне супрацоўніцтва з аператарам сувязі, так як сетка фірмовых крамаў пастаянна расце.

– У сумеснай працы з «Белтэлекамам» радуе зваротная сувязь. Пры ўзнікненні любых пытанняў, да нас прыязджаюць адукаваныя спецыялісты і вырашаюць любую задачу, – адзначыў Дзмітрый Блажэвіч.

Асабліва актуальны «Відэакантроль» для прадпрыемстваў з размеркаванай структурай, якія маюць мноства вытворчых памяшканняў, магазінаў і складоў у розных гарадах. Гэтая паслуга дапаможа арганізаваць кругласутачны кантроль за любымі карпаратыўнымі аб'ектамі. Усе работы па пракладцы неабходных камунікацый і ўстаноўцы абсталявання вырабляюцца сіламі РУП «Белтэлекам», а відэакамеры прадастаўляюцца бясплатна на тэрмін дзеяння дагавора. Спецыялісты правядуць абследаванне і з улікам усіх пажаданняў заказчыка прапануюць, дзе лепш усталяваць відэакамеры і як арганізаваць працоўныя месцы для прагляду відэаінфармацыі.

Для падлучэння паслугі «Відэакантроль» неабходна звярнуцца ў сэрвісны цэнтр кампаніі.