26-27 чэрвеня ў Мінску пройдзе IV Еўразійскі эканамічны форум. У мерапрыемстве прымуць удзел кіраўнікі дзяржаў – члены Еўразійскага эканамічнага саюза.

У рамках форуму на пляцоўцы Мінскага міжнароднага выставачнага цэнтра арганізавана маштабная выстава «Суверэнная Беларусь». «Белтэлекам» прадстаўляе на экспазіцыі перадавыя рашэнні для разумнага горада, якія ўжо ўкаранёны і паспяхова працуюць, павышаючы камфорт і якасць нашага жыцця.

У тэматычнай лакацыі прэзентаваны шэраг інавацыйных праектаў, якія пацвердзілі сваю эфектыўнасць у розных сферах. Удзельнікі форуму могуць убачыць іх у дзеянні, пратэставаць і ацаніць функцыянальнасць.

Рашэнні кампаніі ахопліваюць шырокі спектр задач, фармуючы сучаснае і эфектыўнае гарадское асяроддзе.

Сістэма «Відэакантроль» – актуальная прапанова для выдаленага відэаманіторынгу розных аб'ектаў. Яе функцыянал дапаўняецца опцыяй відэааналітыкі.

Відэамадафон – сучасная сістэма, якая дазваляе камфортна адчыняць дзверы або мець зносіны з наведвальнікамі з дапамогай мабільнага прыкладання.

Разумныя прыпынкі – шматфункцыянальныя комплексы, аснашчаныя сучаснымі тэхналогіямі: інтэрактыўнымі табло з раскладам транспарту, Wi-Fi, «Відэакантролем», прыладай для зарадкі гаджэтаў.

Сетка электразарадных станцый Evika! – перспектыўнае экалагічнае рашэнне для ўладальнікаў электрамабіляў, якое садзейнічае развіццю электратранспарту ў Беларусі.

Прадстаўленыя на выставе праекты – гэта тэхналогіі не далёкай будучыні, а сучаснасці, якія ўжо сёння паляпшаюць якасць жыцця грамадзян Беларусі.

Выстава «Суверэнная Беларусь» – важная частка IV Эўразійскага эканамічнага форуму. Унікальная экспазіцыя пазнаёміць з дасягненнямі ў галіне высокіх тэхналогій, машынабудавання і іншых сектараў, а самае галоўнае – дазволіць прадэманстраваць інавацыйны патэнцыял беларускай прамысловасці і тэхналогій, а таксама ўмацаваць супрацоўніцтва ўнутры краін ЕАЭС.