Кампанія Белтэлекам працягвае рэалізацыю маштабнай рэспубліканскай акцыі «Свята нашага двара» разам з «ЯСНА», накіраванай на стварэнне камфортных і сучасных умоў для адпачынку і вольнага часу сем'яў, дзяцей і моладзі прама ў дварах жылых дамоў. Сёння чарговым этапам праекта стала адкрыццё новай варкаўт пляцоўкі ў Брэсце ў двары дома 8/1 па вул. Фр. Скарыны.

Ва ўрачыстай цырымоніі адкрыцця прынялі ўдзел прадстаўнікі РУП «Белтэлекам» і намеснік кіраўніка адміністрацыі Ленінскага раёна г.Брэста Рыгор Аляксандравіч Кандрацікоўскі.
Рыгор Аляксандравіч падзякаваў кампаніі за ўклад у добраўпарадкаванне гарадскога асяроддзя і выказаў удзячнасць Белтэлекаму за ўстаноўку гэтай сучаснай спартыўнай пляцоўкі. Гэта ўжо не першы аб'ект, які кампанія дорыць гораду. Такая пастаянная падтрымка з'яўляецца яркім прыкладам паспяховага сацыяльнага партнёрства і рэальнага клопату пра камфорт берасцейцаў.

Новая варкаўт пляцоўка ўкамплектавана сучасным і надзейным абсталяваннем для трэніровак розных груп мускулаў. Яна стане папулярным месцам прыцягнення для аматараў здаровага ладу жыцця ўсіх узростаў.