Завяршыўся другі сезон маштабнага кіберспартыўнага турніру Кубак выкліку «Белтэлекам». Спаборніцтвы сабралі лепшыя каманды і падарылі гледачам неймаверныя эмоцыі і напружаную барацьбу.

Пераможцы і прызёры:

1 месца — каманда «МТЗ».
2 месца — каманда «Белтэлекам».
3 месца — каманда «А1».

Заслужаныя ўзнагароды пераможцам і прызёрам урачыста ўручылі ганаровыя госці:

Сяргей Буйніцкі, намеснік генеральнага дырэктара па лічбавым развіцці і інфармацыйных тэхналогіях РУП «Белтэлекам».

Дзяніс Богуш, старшыня Беларускай Федэрацыі кіберспорту.

«Кубак выкліку «Белтэлекам» ужо другі раз становіцца значнай падзеяй у гісторыі беларускага кіберспорту. Мы рады бачыць рост узроўню каманд і гарачую падтрымку балельшчыкаў. Віншуем пераможцаў і дзякуем усім удзельнікам!» — адзначыў Сяргей Буйніцкі.

«Турнір прайшоў на высокім арганізацыйным узроўні, а барацьба была захапляльнай. Такія праекты вельмі важныя для развіцця кіберспартыўнай экасістэмы краіны», — падкрэсліў Дзяніс Богуш.