Апошнім часам праводзіцца вялікая інфармацыйная праца па прафілактыцы кіберзлачынстваў і супраціве новым ашуканскім схемам. Аднак злачынцы ўвесь час адаптуюцца і прыдумваюць усе новыя спосабы зману, ахвярамі якіх, на жаль, часта становяцца пажылыя людзі.

Злачынцы могуць прадстаўляцца супрацоўнікамі праваахоўных органаў, банкаў, дзяржаўных арганізацый, у тым ліку і кампаніі «Белтэлекам». Яны дзейнічаюць прадумана, вынаходзячы розныя прытворныя падставы для выкліку: патрэба тэрміновага перазаключэння дагавора, замены дамафона і нават садзейнічання ў злове ашуканцаў. Часта запужваюць субяседнікаў, сцвярджаючы, што тыя сталі ахвярамі ўзлому ці ўдзельнікамі расследавання, і патрабуюць «задэклараваць» або перадаць наяўныя сродкі праз кур’ера. Як правіла, злачынцы праяўляюць агрэсію і націск, могуць пагражаць адключэннем сувязі, вобыскам або канфіскацыяй маёмасці, каб прымусіць ахвяру дзейнічаць хутка, не разважаючы.

Вядомы выпадкі, калі пажылыя людзі, паверыўшы ашуканцам, выконвалі іх указанні, нават не падазраючы, што іх злучаюць у злачынны ланцужок.

ААдна з прычын такой даверлівасці – недастатковая дасведчанасць пра злачынныя схемы і спосабы супрацьстаяць ім. У сувязі з гэтым асабліва важна расказваць пра сучасныя пагрозы і пастаянна папярэджваць старэйшых сваякоў і знаёмых пра распаўсюджаныя формы зману.

Нагадваем, што ніколі не варта перадаваць персанальныя даныя і іншую асабістую інфармацыю па тэлефоне незнаёмым людзям.

Калі вам патэлефанавалі, асабліва з замежнага нумара, і пад любой падставай спрабуюць займець асабістыя даныя, банкаўскую інфармацыю або грашовыя сродкі, адразу ж перапыніце размову! Неадкладна звярніцеся ў праваахоўныя органы, калі вы сталі ахвярай махляроў.

Вы заўсёды можаце звярнуцца за кансультацыяй, а таксама атрымаць дакладную інфармацыю пра дзейнасць і паслугі РУП «Белтэлекам», патэлефанаваўшы па нумары 123 з гарадскога або мабільнага тэлефона.

Будзьце пільныя! Беражыце сябе і сваіх блізкіх!