28 мая, напярэдадні Міжнароднага дня абароны дзяцей, Гродзенскі філіял «Белтэлекама» падарыў маленькім жыхарам Астраўца сапраўднае свята. У двары дамоў 47 і 47а па вуліцы Валадарскага адбылося ўрачыстае адкрыццё дзіцячага гульнявога комплексу «ЯСНА».

Праект «Свята нашага двара разам з "ЯСНА"» стаў добрай традыцыяй: ужо шмат гадоў у розных кутках краіны кампанія стварае камфортныя пляцоўкі для дзіцячага вольнага часу. Яркія комплексы аснашчаны сучаснымі гульнявымі модулямі, горкамі або трэнажорамі для заняткаў спортам, якія ідэальна падыходзяць для актыўнага адпачынку на свежым паветры.

Са словамі падзякі на адрас кампаніі выступіў Аляксей Артамонаў, начальнік аддзела ЖКГ Астравецкага райвыканкама. Таксама гасцей прывітаў і пажадаў выдатнага настрою Віталь Манід, начальнік Смаргонскага занальнага вузла электрасувязі.

Дзяцей і іх бацькоў чакалі палымяныя танцы, вясёлыя конкурсы і насычаная забаўляльная праграма. Усе жадаючыя маглі захаваць шчаслівыя моманты ў тэматычнай фотазоне разам з казачнымі персанажамі.

Супрацоўнікі Астравецкага раённага аддзела па надзвычайных сітуацыях адправіліся з дзецьмі ў падарожжа па «Краіне бяспекі»: паўтарылі нумары экстранных службаў, правілы бяспечных паводзін дома, на вуліцы і каля вадаёма.

«Белтэлекам» устанавіў у Астраўцы ўжо другі комплекс. Першая пляцоўка для гульні ад «ЯСНА» з’явілася ў горадзе ў 2024 годзе. Як адзначыў кіраўнік мясцовага ўчастка электрасувязі Сяргей Хіневіч, сувязісты абавязкова працягнуць гэтую выдатную традыцыю.

Усмешкі дзяцей, радасць бацькоў і святочная атмасфера сцвярджаюць: такія ініцыятывы зараджаюць пазітывам і робяць жыццё больш яркім. А гэта значыць, што «Свята нашага двара разам з "ЯСНА"» зусім скора загляне ў новыя ўтульныя двары па ўсёй Беларусі!