У Брэсцкім філіяле РУП «Белтэлекам» падведзены вынікі конкурсу прафесійнага майстэрства сярод вадзіцеляў аўтамабіляў. Спаборніцтвы, якія ўжо сталі добрай традыцыяй, у чарговы раз даказалі, што за рулём тэхнікі прадпрыемства працуюць сапраўдныя асы сваёй справы.

Па выніках напружанай барацьбы, якая ўключала праверку тэарэтычных ведаў, тэхнічнай пісьменнасці і фігурнага кіравання, журы вызначыла пераможцаў у дзвюх катэгорыях.

Сярод легкавых аўтамабіляў лепшыя вынікі паказалі:

• 🥇 1 месца — Віктар Краўчук (Кобрынскі ЗУЭС)

• 🥈 2 месца — Сяргей Цібец (Пінскі ЗУЭС)

• 🥉 3 месца — Павел Яхновец (Пінскі ЗУЭС)

Сярод грузавых аўтамабіляў прызавыя месцы размеркаваліся наступным чынам:

• 🥇 1 месца — Васіль Палхоўскі (Пінскі ЗУЭС)

• 🥈 2 месца — Валерый Сокал (Кобрынскі ЗУЭС)

• 🥉 3 месца — Віталь Скамарох (Баранавіцкі ЗУЭС)

Асаблівай увагі заслугоўвае камандны залік, дзе барацьба паміж структурнымі падраздзяленнямі была не менш захапляльнай. Па суме балаў перамогу атрымаў Кобрынскі ЗУЭС, другое месца заваяваў Пінскі ЗУЭС, а замкнуў тройку лідараў Баранавіцкі ЗУЭС.

Віншуем усіх пераможцаў і прызёраў конкурсу! Ваша майстэрства, адказнасць і прафесіяналізм — залог бесперабойнай працы філіяла і стабільнай якасці паслуг для нашых абанентаў. Жадаем вам новых працоўных здабыткаў, роўных дарог і толькі зялёнага святла на ўсіх маршрутах!