Спартыўны сезон 2026 года завяршыўся пераканаўчай перамогай каманды РУП «Белтэлекам» на IV этапе XXVII Рэспубліканскай спартакіяды работнікаў лічбавага развіцця і сувязі. Спаборніцтвы, якія аб’ядналі сем наймацнейшых каманд галіны, прайшлі 4-5 верасня.

Урачысты старт спартакіядзе далі Міністр сувязі і інфарматызацыі Кірыл Залескі, лідар галіновага прафсаюза Аляксандр Якаўлеў, генеральны дырэктар кампаніі «Белтэлекам» Аляксандр Кенда і кіраўнікі арганізацый сувязі.

Спаборніцтвы праходзілі на чатырох розных лакацыях, дзе ўдзельнікі дэманстравалі сваё майстэрства ў дзесяці відах спорту. У кожнай дысцыпліне ішла напружаная барацьба за кожны бал, і часам зыход паядынкаў вырашалі лічаныя секунды.

Па выніках усіх спаборніцтваў месцы на п’едыстале гонару размеркаваліся наступным чынам:

1 – РУП «Белтэлекам»;

2 – СТАА «Мабільныя ТэлеСістэмы»;

3 – РУП «Белпошта».

Узнагароды пераможцам і прызёрам уручыў першы намеснік Міністра сувязі і інфарматызацыі Павел Ткач.

Нашы калегі чарговы раз даказалі, што з’яўляюцца лідарамі не толькі ў рабоце, але і на спартыўных пляцоўках. Дзякуем усім удзельнікам спартакіяды за дастойную канкурэнцыю, а нашых спартсменаў - за рашучасць, майстэрства і нацэленасць толькі на перамогу! Такі вынік яскрава адлюстроўвае наша імкненне да адзінства, згуртаванасці і дасканаласці ва ўсіх сферах дзейнасці. 

Віншуем каманду «Белтэлекам» з дастойным выступленнем і жадаем новых яркіх вяршынь у прафесіі і спорце!