З 10 па 20 лістапада Дэпартамент па энергаэфектыўнасці праводзіць акцыю «Беларусь – энергаэфектыўная краіна».
Прымеркавана Рэспубліканская інфармацыйна-адукацыйная акцыя да Міжнароднага дня энергазберажэння, які штогод адзначаецца 11 лістапада.

Эфектыўнае і разумнае спажыванне энергарэсурсаў шмат у чым залежыць ад мабілізацыі намаганняў усіх дзяржаўных структур, устаноў, арганізацый і бізнес-супольнасцяў, грамадскіх аб'яднанняў, сродкаў масавай інфармацыі.

Акрамя таго, да Дня энергазберажэння Дэпартамент арганізуе цэлы шэраг тэматычных мерапрыемстваў: круглыя сталы, навучальныя семінары – для спецыялістаў; адкрытыя ўрокі і інфармацыйныя гадзіны, конкурсы і віктарыны – для дзяцей і моладзі; міні-конкурсы – для падпісчыкаў у сацыяльных сетках; інтэрв'ю, прэс-мерапрыемствы – для прадстаўнікоў СМІ.

Інфармацыйныя матэрыялы: https://energoeffect.gov.by/propaganda/helpfull