З 1 па 4 чэрвеня ў г.Клімавічы прайшоў 21-ы Міжнародны фестываль дзіцячай творчасці «Залатая пчолка». У гэтыя дні на клімаўшчыне сабраліся больш за 900 удзельнікаў з Беларусі, Расіі, Узбекістана і Кыргызстана.
Фестываль "Залатая пчолка " нарадзіўся на Клімавіцкай зямлі ў 1996 годзе. Удзельнікі фестывалю-гэта навучэнцы дзіцячых музычных і мастацкіх школ, дзіцячых школ мастацтваў, выхаванцы дзіцячых мастацкіх студый і гурткоў, якія дзейнічаюць ва ўстановах культуры, адукацыйных школах, гімназіях, каледжах, а таксама ў школах - інтэрнатах і дзіцячых дамах для дзяцей сірот.
Магілёўскі філіял РУП» Белтэлекам " прымаў актыўны ўдзел у арганізацыі фестывалю. Для ўсіх удзельнікаў і гасцей свята працавала паслуга Wi-Fi, замежным удзельнікам былі прадастаўлены карты доступу. Юныя ўдзельнікі мерапрыемства атрымалі памятныя сувеніры і падарункі ад "Белтэлекам".
