19 жніўня на вадаёме "Досавічы" адбыўся II абласны спартыўны-турнір па рыбнай лоўлі сярод работнікаў Магілёўскай філіі "Белтэлекам". Спартыўныя спаборніцтвы былі прымеркаваны "Году міру і стварэння".
Арганізатарам спаборніцтваў з'яўлялася першасная прафсаюзная арганізацыя Магілёўскай філіі. У спаборніцтвах удзельнічала 6 каманд па тры чалавекі ў кожнай. Сувязісты змаглі паказаць свае навыкі і ўменні ў рыбнай лоўлі. Усе ўдзельнікі былі вельмі прыязныя і падтрымлівалі адзін аднаго, размаўлялі, дзяліліся вопытам і парадай. З-за надвор'я працэс спаборніцтваў для ўдзельнікаў аказаўся вельмі няпростым, стаяла спякота +30! Аднак гэта не перашкодзіла вызначыць найлепшых. Пераможцамі спаборніцтваў сталі:
1 месца - каманда галаўнога падраздзялення-2 - Віктар Маліноўскі, Генадзь Дабрынскі, Алег Рустамаў;
2 месца - каманда Магілёўскага вузла электрасувязі-2 - Сяргей Ярашчанка, Ігар Бялянка, Андрэй Палякоў;
3 месца - каманда Бабруйскага вузла электрасувязі-1 - Сяргей Драка, Раман Каленік, Андрэй Шубянок.
У намінацыі "Самая вялікая рыба", чарговы раз пераможцам стаў Віктар Маліноўскі - вага рыбы склала 2.825 кілаграм! Пасля ўзнагароджання ўсе ўдзельнікі паабедалі. І які ж абед для рыбака без юхі, яна атрымалася хвацкая! Многія ўдзельнікі ўжо плануюць новыя паездкі на рыбалку. Да новых сустрэч на водных прасторах!
