Каманды РУП «Белтэлекам» прынялі ўдзел у штогадовых спаборніцтвах санітарных фарміраванняў грамадзянскай абароны, якія прайшлі ў Партызанскім і Цэнтральным раёнах сталіцы.
Санітарныя дружыны ствараюцца для ўдзелу ў ліквідацыі медыка-санітарных наступстваў надзвычайных сітуацый. Галоўная мэта спаборніцтваў – праверыць рэальныя навыкі ўдзельнікаў і замацаваць іх веды ў аказанні першай дапамогі пацярпелым.
Нашы калегі прадэманстравалі выдатную камандную работу і высокую прафесійную падрыхтоўку, паспяхова прайшоўшы ўсе этапы і выканаўшы пастаўленыя задачы. Удзельнікі паказалі зладжанасць дзеянняў і здольнасць эфектыўна рэагаваць у выпадку ўзнікнення надзвычайных сітуацый.
Каманда галаўнога падраздзялення «Белтэлекама» заняла ганаровае 3 месца ў Цэнтральным раёне Мінска.
Дастойны вынік паказалі і супрацоўнікі Міжнароднага цэнтра камутацыі. Ва ўпартай барацьбе санітарная дружына заняла другое месца сярод каманд Партызанскага раёна сталіцы. Лепшым сандружыннікам прызнана Аляксандра ЗУЕВА, якая атрымала грамату Адміністрацыі Партызанскага раёна.
Мы ганарымся дасягненнямі нашых калег і жадаем ім новых перамог!
