4-6 лістапада ў Мінску пройдзе галіновы маладзёжны форум «Думай! Развівайся! Дзейнічай!» На адной пляцоўцы сустрэнуцца самыя ініцыятыўныя, творчыя і мэтанакіраваныя маладыя спецыялісты ўсіх арганізацый лічбавага развіцця і сувязі. «Белтэлекам» на маштабным мерапрыемстве прадставяць 40 удзельнікаў з усіх філіялаў прадпрыемства.
Насычаная праграма дазволіць кожнаму ўдзельніку максімальна праявіць сябе. У першы дзень фіналісты агляду-конкурсу «Будучыня прафсаюза – справа маладых» прадэманструюць свае таленты ў намінацыі «ПрафВайб», якая папулярызуе прафсаюзны рух, і «Прафсаюзная муза», прысвечанай Году беларускай жанчыны.
5 лістапада адбудзецца ключавая падзея ‒ прэзентацыя інтэлектуальных праектаў «Марафон ідэй». Усяго за пяць хвілін камандам трэба будзе даказаць журы навізну і практычную каштоўнасць сваіх прапаноў. Ацэньваць інавацыйны патэнцыял распрацовак будуць эксперты, сярод якіх прадстаўнікі Мінсувязі, прафсаюза, кіраўнікі арганізацый.
Удзельнікаў таксама чакае вялікі адукацыйны блок. У фармаце дыялогавых пляцовак сувязісты паразмаўляюць з кіраўніцтвам Мінсувязі, дэпутатамі Палаты прадстаўнікоў Нацыянальнага сходу Рэспублікі Беларусь і медыяэкспертамі. У цэнтры ўвагі ‒ прыярытэты лічбавага развіцця, тэхналагічныя трэнды, а таксама практычныя навыкі: сакрэты эфектыўнай камунікацыі і інструменты асабістай матывацыі.
Арганізатары мерапрыемства ‒ Беларускі прафсаюз работнікаў лічбавага развіцця і сувязі сумесна з Міністэрствам сувязі і інфарматызацыі.
Форум «Думай! Развівайся! Дзейнічай!» ‒ гэта ўнікальная пляцоўка для яркіх ідэй, абмену вопытам і адкрытага дыялогу. Жадаем маладым калегам атрымаць вялізны зарад энергіі для далейшага развіцця і паспяховай працы!
