«Белтэлекам» працягвае рэспубліканскую сацыяльную акцыю «Свята нашага двара разам з «ЯСНА»!» Чарговая яркая падзея прайшла ў Навагрудку: адкрыццё дзіцячага гульнявога комплексу «ЯСНА» стала сапраўдным падарункам для юных жыхароў горада і іх бацькоў.
Мерапрыемства адбылося пры актыўным удзеле Гродзенскай філіі «Белтэлекам». Кампанію на сямейным свяце прадставіў начальнік Навагрудскага ўчастка электрасувязі Захар Чэрнік. Вітаючы прысутных, кіраўнік падкрэсліў: «Самае прыемнае - калі дзеці радуюцца і дораць нам свае ўсмешкі. Адна з добрых традыцый нашай кампаніі - праводзіць для іх гэтыя светлыя і сонечныя святы. Рэспубліканская промаакцыя «Свята нашага двара разам з «ЯСНА»!» праходзіць па ўсёй краіне, пакідаючы ў памяці незабыўныя ўражанні».
Важнасць сацыяльных ініцыятыў «Белтэлекама» для развіцця гарадской інфраструктуры і стварэння камфортнага асяроддзя для сем’яў з дзецьмі падкрэслілі і прадстаўнікі мясцовай улады. Шчырую падзяку сувязістам выказалі намеснік старшыні Навагрудскага райвыканкама Людміла Мароз і начальнік упраўлення адукацыі райвыканкама Ірына Скобля.
Арганізатары падрыхтавалі для юных жыхароў Навагрудка насычаную забаўляльную праграму: на пляцоўцы працавалі аніматары ў касцюмах любімых мультыплікацыйных герояў, праходзілі вясёлыя конкурсы і эстафеты. Усе жадаючыя маглі зрабіць памятныя фатаграфіі, каб надоўга захаваць успаміны аб цудоўным дні.
Лета ў самым разгары, а значыць «Свята нашага двара разам з «ЯСНА»!» працягваецца!
